СЕ ВРАЌА ЛИ ПРИНЦОТ ХАРИ ДОМА? Позната печка откри какви се неговите планови
Принцот Хари ја напушти Англија во 2020 година заедно со Меган Маркл и нивниот син Арчи, кој денес има шест години.
Дали принцот Хари и Меган Маркл се враќаат во Велика Британија? InStyle пишува дека Хари, кој живее во САД со сопругата повеќе од пет години, го навестил тоа во неформален разговор со пејачката Џос Стоун, која ја запознал минатата недела на доделувањето на наградите WellChild во Лондон.
Хари и Џос разговарале таму за нејзиното враќање во Велика Британија, а кантавторката потоа за „Hello“ изјавила дека Хари ѝ кажал дека училиштата во неговата родна земја се прекрасни и нагласила колку е важно тоа за децата.
– Тој праша како се сместивме назад во Велика Британија, дали се навикнавме на тоа… Па, тој беше заинтересиран за сè. Во разговорот, бил срдечен и едноставен како и секогаш, а откако се разделивме ми се чинеше дека и Хари размислува за враќање, што би било многу убаво – изјавила Џос Стоун за „Hello“.
Принцот Хари ја напушти Англија во 2020 година заедно со Меган Маркл и нивниот син Арчи, кој денес има шест години. Некое време живееле во Лос Анџелес и Канада, а потоа се населиле во Монтесито, Калифорнија, каде што живеат и денес со нивната четиригодишна ќерка Лилибет и синот Арчи. Кралот Чарлс III ја видел својата внука само еднаш, кога Сасексите ја посетиле Велика Британија во 2022 година за платинскиот јубилеј на покојната кралица Елизабета II.
Сепак, во мај оваа година, Хари ставил до знаење дека е презаситен од тишината и затегнатите односи.
– Нема смисла да се продолжува расправијата – рекол тогаш принцот, додавајќи дека неговиот татко не сака да разговара со него, но дека би било убаво ако се смири.