📽️ ЈА ШЕТАЛ ЉУБОВНИЦАТА СО ПОЗНАТ РУСКИ ВОЕН АВИОН Секс-скандал го тресе Кремљ, на удар е министер со седа коса

Нови секс-скандали го тресат Кремљ, откако британскиот весник „The Sun“ објави дека висок функционер од блискиот круг на Владимир Путин користел воен авион вреден 100 милиони долари за да ја шета својата љубовница низ Русија.

На социјалните мрежи се појави објавата на 23-годишната Марија Шалајева која вели дека до главниот штаб на руската армија на Ростов на Дон ја превезол авион „Иљушин-76“ на руското Министерство за одбрана.

Според воени извори, руските служби за безбедност го посетиле „спонзорот од Кремљ“ откако девојката споделила компромитирачки детали.

Кој висок функционер е љубовник на Шалајева? Една можност е тоа да е новиот министер за одбрана Андреј Белоусов (66), долгогодишен бирократ близок до Путин. Во едно видео објавено од Шалајева, се гледа маж со седа коса, слична на онаа на Белоусов. Но, постојат сомнежи дека мажот во кратки панталони можеби е помлад.

Шалајева, која потекнува од Екатеринбург, признала дека нејзиниот партнер ѝ организирал маникир во Ростов и дека патувала со својот тригодишен син Тима, кој, како што самата се пофалила, „седел во пилотската кабина и јадел чипс со пилотот“.

Таа не го именува мажот, но напишала:

„Тоа е човек од Кремљ. Не е војник, не е ФСБ. Знам кој е, ама не смеам да кажам“.

Независниот белоруски медиум „NEXTA“ ја поврза Шалајева со Белоусов, но без цврсти докази. Први за случајот објавија локалните медиуми, но без да го именуваат функционерот.

 

A scandal is brewing in Russia after 23-year-old blogger Maria Shalaeva posted a video of her and her son flying to Rostov on a military plane.

Note: Rostov-on-Don Airport has been closed since February 24, 2022 for an indefinite period.

On her Instagram page (Instagram is… pic.twitter.com/YOTiZUQ74J

— Natalka (@NatalkaKyiv) July 11, 2025

Пензионираниот генерал-мајор Владимир Попов побара итна истрага, велејќи:

– Ако ова стигне до министерот, ќе има строги последици.

Про-кремљскиот воен блогер Андреј Медведев предупреди дека „контраразузнавачката служба има полни раце работа“, истакнувајќи колку информации западните служби можат да соберат само од следење на социјални мрежи.

Скандалот избива во момент кога Кремљ е обвинет дека го прикрива убиството на сменетиот министер за сообраќај Роман Старовојт, кој беше пронајден мртов со прострелни рани, само 24 часа откако беше сменет од функцијата.

Независниот медиум „SOTA“ тврди дека на телото на министерот Старовојт имало траги на измачување.