ОД ЏИМИ ХЕНДРИКС И ИНДЕКСИ, ДО СЕЛСКАТА ЧЕШМА ВО ЛЕСНОВО Таа е архитектка на звуци, мост помеѓу културите и чувар на традицијата
„Пораснав во времето на СФРЈ и кај нас дома се слушаа Џими Хендрикс, Битлси, Индекси, а традиционалната музика се слушаше кога ќе ја пуштеа на радио“, раскажува нашата соговорничка Елена Христова алијас – Елена Баклава. Таа ни раскажа за својот музички пат, за татко ѝ, за инспирацијата што ја нашла кога првпат ги слушнала бабите како пеат на селската чешма во Лесново, за својот втор дом-Турција, за Јуруците кои се инспирација за нејзиниот прв соло албум „Јоруклук“ и за уште многу нешта
Eлена Христова е пејачка, композиторка и основачка на бендот „Баклава“, кој досега снимил и објавил 5 албуми, од кои последниот – „Од Скопје со љубов“, беше објавен во 2023 година за CPL Music. Во 2022 година, „Баклава“ беше избрана да биде дел од проектот MOST Music.
Покрај работата со „Баклава“, Елена Христова неколку години беше пејачка на турскиот бенд „Баба Зула“, а имаше и многу други соработки, меѓу кои, работата со „The Backyard Jazz Orchestra“ и со Горан Трајковски од бендот „Анастасија“ во нивниот проект „Биоскопија“.
Со својот стил, Елена е синоним за светска музика, а тоа што го создава е секогаш поинакво и ново. Таков е и секој од петте албуми на Баклава. Пет албуми, секој различен од претходниот и постојано излегување од конфор-зоната.
„Баклава сум јас”, вели Елена, инсистирајќи на нови изрази и оригиналност, иако е свесна дека тоа понекогаш ги збунува луѓето.
Сепак, веќе добро знае кои се оние песни кои на концертите на „Баклава“ едноставно, мора да се отпеат. Така беше и на неодамнешниот концерт со кој овој бенд одбележа две децении од своето постоење.
Но, овојпат, повод за нашиот разговор беше нејзиниот прв соло албум „Јоруклук“, инспириран од животот и традицијата на Турците-Јуруци кои таа ги истражувала цели 15 години и не само што ги истражувала туку, како што вели, се соживеала со нив, едноставно, ги почувствувала како дел од себе. Песните од овој албум кој се најде и на винил и на ЦД, се комплетно авторски на Елена и отпеани на автентичен турски, јазикот на кој зборуваат Турците-Јуруци.
Целиот текст прочитајте го ТУКА.