ПОЗНАТА ЈУТЈУБЕРКА СЕ САМОУБИ Нејзиниот сопруг се распадна во видеото, трпела брутално интернет насилство 

Јутјуберката и основачка на организацијата „Спасете лисица“ (Save A Fox), Микејла Рејнс, изврши самоубиство. Нејзиниот сопруг со скршено срце ја сподели тажната вест на социјалните мрежи.

Микејла беше високо ценета поради својата работа. Освен што беше позната јутјуберка, таа беше и основач на „Save A Fox“, резерват за диви животни со седиште во САД.

Таа спасуваше лисици и други егзотични животни, обезбедувајќи им грижа и засолниште.

На 23 јуни, нејзиниот сопруг Итан ја сподели веста за смртта на сопругата во видео на социјалните мрежи. Микејла со години се борела со сериозни проблеми со менталното здравје, вклучувајќи аутизам, гранично нарушување на личноста и депресија.

Во својот 11-минутен говор, Итан откри дека Микејла долго време била изложена на сериозно онлајн злоставување. Нападите, рече тој, доаѓале не само од непознати луѓе на интернет, туку и од луѓе од нејзината приватна средина, па дури и од заедницата на луѓе вклучени во спасувањето животни.

На својот инстаграм-профил, Итан Рејнс сподели видео во кое може да се види како плаче. Тој ѝ оддаде почит на својата покојна сопруга, велејќи дека таа била една од најпрекрасните и најинспиративните луѓе што некогаш ги познавал. Итан сподели дека се чувствува скршено, но дека ќе ја продолжи работата и мисијата на Михаела.

„Скршен сум. Ја изгубив љубовта на мојот живот, но ветувам дека ќе го продолжам она што го започна. Микејла светеше таму каде што имаше темнина и го посвети својот живот на грижата за оние кои другите ги забораваат. Почивај во мир, љубов. Доживеавме загуба која е незамислива. Микејла беше навистина најпрекрасната и најинспиративна личност што некогаш сум ја познавал, а нејзиното отсуство прави сè да изгледа празно. Се чувствувам скршено. Но, ќе продолжам да го остварувам нејзиниот сон и се надевам дека ќе ја имам вашата поддршка за заедно да можеме да правиме добро во нејзино име.“

Во своето 11-минутно видео, тој ги откри причините што доведоа до смртта на неговата сопруга. На почетокот на видеото, тој нагласи дека содржината не е наменета за деца и дека не добил дозвола од одборот да ја објави, бидејќи може да биде вознемирувачка за некои луѓе. Тој додаде дека воопшто не планирал да направи такво видео, но дека Микејла починала и дека ова е најтешкиот и најболниот период во неговиот живот.

Итан зборуваше за Микејла како за голема инспирација – како за некој што може да постигне сè ако навистина сака. Тој изјави дека таа била на спектарот на аутизам, што од една страна ѝ го отежнувал животот, но и ѝ овозможил интензивно да се фокусира на она што го сака – а тоа се животните. Таа се посветила особено на лисиците, но се грижела и за другите животни, несебично обезбедувајќи им помош, грижа и дом.