ЃОКОВИЌ СЕ РАЗДЕЛИ ОД ТРЕНЕРОТ Србинот и Британецот се огласија за крајот на партнерството
Му благодарам на Новак за неверојатната можност да работиме заедно и му благодарам на неговиот тим за нивната напорна работа во текот на изминатите шест месеци. Му посакувам на Новак Ѓоковиќ сè најдобро во остатокот од сезоната, кратко рече Енди Мареј за соработката со српскиот тениски ас.
Енди Мареј повеќе не е тренер на Новак Ѓоковиќ, објави српскиот тенисер. За разделбата проговорија и тенискиот ас, но и неговиот ментор кој не успеа да му помогне на асот да го освои 100. трофеј во кариерата.
„Тренеру Енди, ти благодарам за целата твоја напорна работа, забава и поддршка во текот на изминатите шест месеци на и надвор од теренот. Навистина уживав во продлабочувањето на нашето пријателство“, напиша Ѓоковиќ на социјалните мрежи.
Во изјава за Би-Би-Си, Мареј кажа како стојат работите од неговa страна:
– Му благодарам на Новак за неверојатната можност да работиме заедно и му благодарам на неговиот тим за нивната напорна работа во текот на изминатите шест месеци. Му посакувам на Новак Ѓоковиќ сè најдобро во остатокот од сезоната – кратко рече Британецот.
Британецот се приклучи на тренерскиот штаб на Ѓоковиќ пред почетокот на 2025 година. Српскиот тениски ас беше елиминиран во четвртфиналето на Бризбејн од 293-от играч во светот, по што мораше да се повлече од полуфиналето на Австралија Опен поради повреда на мускулот.
Потоа Ѓоковиќ беше поразен во првото коло во Доха, потоа во второто коло во Индијан Велс, а потоа и во полуфиналето во Мајами. Тој немаше најдобар почеток на сезоната на земјена подлога, елиминиран во второто коло и во Монте Карло и во Мадрид, по што се повлече од натпреварувањето во Рим.