МИСТЕРИОЗНИ СМРТНИ СЛУЧАИ ВО ЗЕМЈАТА ДОМАЌИН НА СВЕТСКО Над 21.000 мртви работници, а моќниот принц троши билиони на проектот

Во Саудиска Арабија илјадници работници умираат секоја година за време на изградбата на футуристички „мегаград“ поради ужасните работни услови и кршењето на човековите права, покажува новата истрага.

Престолонаследникот Мохамед бин Салман троши трилиони за да ја трансформира земјата преку проектот „Визија 2030“, кој вклучува создавање на „Линија“, град без автомобили кој ќе се протега на повеќе од 160 километри низ пустинскиот регион.

Истражувањето открива дека од почетокот на „Визија 2030“, најмалку 21.000 работници загинале на овие проекти. Работниците, главно мигранти, често се принудени да работат во брутални услови за мал надомест. Многумина тврдат дека по пристигнувањето им биле одземени пасошите, поради што не можат да излезат, додека работните недели им се далеку подолги од законски дозволените 60 часа.

Еден работник изјавил дека редовно работи и до 16 часа на ден и дека е вообичаено да работи 14 дена без одмор. Истражувачите документираа тешки работни услови, вклучително и лишување од сон што доведува до несреќи на работното место.

Документарецот ја прикажува и смртта на непалскиот работник Раџу Бишвакарм, кој почина откако му беше ускратена соодветна медицинска нега, што предизвика насилен протест од неговите колеги.

Саудиските власти соопштија дека причината за смртта е „срцев и респираторен застој од непознати причини“. Сепак, многу смртни случаи на работници остануваат необјаснети, а податоците покажуваат дека една третина од 2.000 смртни случаи на непалски работници во изминатите осум години се необјаснети.

Официјалната проценка на Саудиска Арабија за проектот е 500 милијарди долари, но неодамнешните извештаи тврдат дека финансирањето на футуристичкиот мегаград би можело вртоглаво да порасне на повеќе од 1,5 билион долари.

Покрај овие проекти, Саудиска Арабија се подготвува да биде домаќин на Светското првенство во фудбал во 2034 година, што дополнително ќе ја зголеми потребата од мигранти. Критичарите предупредуваат дека е неприфатливо да се доделува ваков престижен турнир на земја со систематско кршење на човековите права.

Истражувачите известуваат и за маките на жените кои се борат за своите права во Саудиска Арабија, како што е Манахел Ал-Отаиби, која беше осудена на 11 години затвор за нејзините активности на социјалните мрежи. Нејзината сестра Фавзија ги опишува заканите што ги доживеало нивното семејство поради активизмот за правата на жените, покажувајќи ја сериозноста на ситуацијата во земјата.