3.900 ЕВРА ЌЕ ПЛАТИ ФИРМА ПОРАДИ НЕБАЖДАРЕН ТАХОГРАФ Полицијата го запре автобусот на наплатната кај Кадрифаково

Екипа на Мобилната единица за компезаторни мерки при Одделот за гранични работи и миграции вчера  околу 13.00 часот на наплатната рампа Кадрифаково, запре и изврши контрола на автобус марка „Ивеко” со скопски регистарски ознаки, сопственост на правно лице од Скопје, а управувано од М.З.(42) од Свети Николе.

Притоа, во рамки на контролата било утврдено дека тахографот не бил баждарен, односно возачот не поседувал потврда за проверка.

За настанот е известен Државниот инспекторат за транспорт и врски, кој изрекол глоба од 3.000 евра за правното лице и 900 евра за одговорното лице.