📷 ПОВЕЌЕ ОД 100 ЗЕМЈИ НЕМАЛЕ ЖЕНА ЗА ЛИДЕР Мексико ја избра Клаудија Шенбаум за претседателка

Кандидатката на владејачката левичарска партија, Клаудија Шејнбаум (61) оствари убедлива победа на претседателските избори во Мексико, покажуваат првите официјални резултати објавени денеска од Национален изборен институт (ИНЕ).

Но, повеќе од 100 земји во светот, вклучително и САД никогаш не биле предводени од жена. Њузвик објави мапа на овие држави. Во статијата се вели дека „Северна Македонија е последната земја што ја избра својата прва жена лидер, поддржувајќи ја Гордана Силјановска-Давкова на последните избори. Таа положи заклетва на функцијата во мај“.

На Балканот, Албанија, Црна Гора, Бугарија и Унгарија никогаш не биле предводени од жена.

Мапата може да се види овде.

Некои земји избраа жени на повеќе церемонијални лидерски улоги, иако други позиции може да имаат поголема моќ. Грција, на пример, ја избра Катерина Сакеларопулу за свој претседател во 2020 година, но никогаш не избрала жена да стане премиер.

Шри Ланка стана првата земја во модерното време што избра жена премиер, поддржувајќи ја Сиримаво Бандаранаике на изборите во земјата во 1960 година. Таа продолжи да служи три одделни мандати како премиер во следните 40 години.

Во текот на 1960-тите, две други жени, Индира Ганди од Индија и Голда Меир од Израел.

Во Мексико, неколку извештаи забележаа дека Шејнбаум се борела да им покаже на гласачите како таа може да се разликува од нејзиниот претходник Обрадор, познат по неговите иницијали, „AMLO“, и покрај нејзиното водство во анкетите.

Шејнбаум ја опиша оваа перцепција на некои гласачи како „трага“ на мизогинија.

Пред да стане претседателка на Мексико, Шејнбаум беше избрана за прва жена градоначалник на Мексико Сити во 2018 година.