КОЈА Е РАЗЛИКАТА ПОМЕЃУ ХИПЕРАКТИВНО И НЕМИРНО ДЕТЕ? Како се однесуваат децата со нарушено внимание и оние кои се само палави?
Ако вашето дете е немирно дете, живо, полно со енергија, постојано во движење, зборливо, љубопитно… сепак не значи дека е хиперактивно, односно има пореметување. Можеби е само немирнo Како можат родителите да разликуваат хиперактивно дете од дете кое е „само“ немирно?
„Денес прилично голем број деца се опишуваат како – „хиперактивни“, па се чини дека поимот стана многу популарен. Ако вашето дете е немирно дете, живо, полно со енергија, постојано во движење, зборливо, љубопитно… сепак не значи дека е хиперактивно, односно има пореметување. Можеби е само немирнo“, рекол детскиот психијатар проф. д-р Светомир Бојанин и објаснил како родителите можат да разликуваат хиперактивно дете од дете кое е „само“ немирно.
Како се однесува хиперактивно дете?
„Тоa е немирно дете, чиј немир нема никаква смисла. Неговото внимание е исклучително краткотрајно. Сè што ќе види, сака да го фати, а кога ќе го фати, само го погледнува и го остава. Или, поради брзање и невнимание, ќе му падне. Тој е способен постојано да прекинува сè уште незавршена активност за да започне сосема нова, па да ја остави недовршена и таа и така натаму… Хиперактивно дете е всушност дете со расфрлано внимание. Сака сè ново што ќе види, сака да допре, сè што ќе слушне – тоа сака да го види, притоа игнорирајќи сѐ со што моментално е ангажирано, не поврзувајќи го новото со она што веќе го прави. Ова внимание се буди без никаква селекција или скала на вредности, кои би им дале приоритет на некои содржини, а некои би занемариле.
Прочитајте повеќе на „Мајка и дете“.