РАЗИГРАНИ МЛАДИ МАСКИРАНИ ВО СРЕДОВЕЧНИ ЛУЃЕ Тафталиџанскиот крал на фанкот го отвори старото куферче со цедиња
Се отвори Пандорината кутија во Бифе Тафталиџе, ама за среќа, излезе само надежта. Па да се надеваме дека Ѕвонко Качурков или како што го викаат тука, Кралот на фанкот, само ја отвори сезоната и дека ќе следуваат уште многу вакви забави, кои ќе ги размрдаат сите, најмногу оние младите, замаскирани во тела на средовечни луѓе
После 10 години во „пензија“, со истото куферче полно со цедиња за кое неговиот син Димитар (26) вели дека го знае откако е роден, скопјанецот Ѕвонко Качурков – Качур „слета“ на терасата на едно од наједноставните, најнемодерните, а сепак, најпознатите места во градот – Бифе Тафталиџе.
За оние кои не знаат за кого станува збор, залудно е да раскажуваме, ама затоа оние кои пораснале на неговите журки во подрумското (а какво поинакво во тоа време) клупче, во Тафталиџе 1, како и оние кои до пред 10-15 години уште и имаа можност да ја слушаат музиката што ја пушташе во скопските локали (Интермецо, Тренд,…), се израдуваа на настанот кој таканаречениот менаџмент на Бифе Тафталиџе го најавуваше цела недела.
Саботен ден, музиката се слушаше уште пред да ја поминете Партизанска, за среќа, никому не му пречеше, а терасата на Бифе Тафталиџе, пополна од кога и да е.
Повеќе за ова прочитајте ТУКА.