МОЖЕ ДА ВИ СЕ СЛУЧИ НУКЛЕАРЕН 11 СЕПТЕМВРИ Дмитриј Медведев не ги штеди зборовите кога се во прашање САД

Остра порака до САД стигна од Дмитриј Медведев, претседателот на рускиот совет за безбедност. Тој на Твитер во неделата напиша дека на Американците може да им се случи нов 11 септември, само овојпат со нуклеарно оружје, ги обвини САД за „ароганција и одвратен нарцисизам“ и за „универзална ароганција по секое прашање“.

„Не сакам да претскажувам, но (САД) ќе видат дека во одреден момент терористите ќе извршат нов напад во стилот на 11.09.2001 година, но со нуклеарна или биолошка компонента“, напиша Медведев.

Medvedev uses the tragedy of the upcoming 9/11th anniversary to make more threats towards the West.

The rhetoric of former Russian president and current state official indicates that Russia sees threats and blackmail as its preferred diplomatic method.

I wonder if Medvedev… pic.twitter.com/sDjLpG0Zeh

— Anton Gerashchenko (@Gerashchenko_en) September 10, 2023

„Или уште полошо: еден од лидерите на нуклеарните земји ќе ги загуби нервите и ќе донесе емотивна одлука да користи Оружје за масовно уништување, ОМУ. Особено што нуклеарниот клуб постојано се шири и значаен дел од него не е обврзан со никакви обврски“.

Тој продолжи: „И тогаш тоа би било тоа. Крај на играта со топка. Ќе има само да се соберат пари за нов споменик во населбата Граунд Зеро. Во најдобар случај“.

Минатиот месец, за време на интервјуто за руската државна новинска агенција Тасс, Медведев даде слични коментари , сугерирајќи дека САД и другите западни земји го туркаат светот поблиску до Третата светска војна.

– Искрено кажано, дефинитивно ќе беше подобро да ги слушнат (сигналите) – рече тогаш Медведев.

– Во секој случај, светот не би морал да се соочи со заканата од Трета светска војна. Всушност, тука нашите противници активно ги туркаат сите (кон војна) – заклучи тој.