НОВИ ЦЕНИ НА ГОРИВАТА ОД ПОЛНОЌ Бензините поевтинуваат за половина денар, а дизелот ќе чини 71 денар по литар
Со одлуката на РКЕ се врши зголемување на малопродажните цени на нафтените деривати во просек за 0,03 отсто.
Бензините од ноќеска на полноќ поевтинуваат за половина денар за литар, а за исто толку се зголемува цената на дизелот, одлучи денеска Регулаторната комисија за енергетика (РКЕ). Со одлуката се врши зголемување на малопродажните цени на нафтените деривати во просек за 0,03 отсто.
Можеби ќе ве интересира
Новата малопродажна цена на бензинот од 95 октани ќе изнесува 80 денари за литар, а на бензинот од 98 октани ќе изнесува 82 денари. Дизелот, од полноќ ќе се продава по цена од 71 денар, а Екстра лесното масло за домаќинство (ЕЛ-1) за 69 денари за литар.
Со одлуката на РКЕ за 0,022 денари за килограм се намалува и малопродажната цена на Мазутот и ќе изнесува 41,007 денари.