„ИБРО, СО ТЕБЕ СЕ ЗНАЕМЕ, ТИ СИ МИ ДРУГАР“ Ѓоковиќ ги поздрави ѕвездите на трибините во финалето на Ролан Гарос

Од Мпабе до Том Брејди и Ибрахимовиќ, Хју Грант и Џонатан Бејли…Многу познати спортски имиња, но и филмски ѕвезди го следеа годинешното финале на Ролан Гарос и го поздравија историскиот успех на Новак Ѓоковиќ.

Српскиот тенисер го победи Каспер Рут и стигна до рекордната 23. Гран слем титула во кариерата оставајќи ги зад себе и Роџер Федерер и Рафел Надал.

Play like the world is watching. #RolandGarros pic.twitter.com/iSbpD2mrkA

— Roland-Garros (@rolandgarros) June 11, 2023

Седумкратниот шампион во Супербол, пензионираниот бек на НФЛ, Том Брејди е еден од спортските великани, друштво во кое со последниот успех влегува и Новак Ѓоковиќ. Брејди го бодреше Ѓоковиќ од семејната ложа во Париз.

Football 🐐 Tom Brady is in the Djokovic box while ⚽️royalty Mbappé and Zlatan are also in attendance!#RolandGarros pic.twitter.com/fGWDC7T6xv

— Tennis Channel (@TennisChannel) June 11, 2023

Голем број француски спортисти се појавија на Грен слем турнирот во Париз, вклучително и возачот на Формула 1, Естебан Окон, Лукас Хернандез и Бенџамин Павар од Баерн Минхен и Оливие Жиру од Милан, како и пензионираната НБА ѕвезда Тони Паркер.

Мечот го следеа и фудбалските ѕвезди Килијан Мбапе од Пари Сен Жермен и новопензионираниот фудбалер Златан Ибрахимовиќ. Но, и ѕвезди од шоубизнисот, како актерите Џејк Гиленхал, Хју Грант и Џонатан Бејли исто така беа забележани од камерите во големото финале.

Ѓоковиќ по триумфот ги поздрави сите, а посебен поздрав на српски испрати за својот пријател Златан Ибрахимовиќ.

EN IMAGES – Roland-Garros 2023 : Kylian Mbappé, Jean Dujardin, Hugh Grant… une finale sous le regard des people https://t.co/h2eeVC9W85 pic.twitter.com/PiebdLQiFW

— TF1Info (@TF1Info) June 11, 2023

„Ибро, со тебе се знаеме, ти си ми другар“ – рече Новак Ѓоковиќ во специјалниот поздрав за шведскиот фудбалер со босанско потекло.