НАФТАТА ПОЕВТИНУВА Барел од типот брент сега чини 86 долари

Цените на нафтата на светскиот пазар денеска паѓаат откако американската администрација најави дека ќе испрати дополнителни количества сурова нафта од стратешките резерви.

На Лондонската берза цената на суровата нафта од типот „брент“ од Северното Море падна за 43 центи или 0,5 отсто и сега е 86,18 долари за барел.

Во Њујорк цената на лесната сурова нафта падна за 71 цент или 0,89 отсто и изнесува 79,43 долари за барел.

Американското Министерство за енергетика најави дека ќе продаде 26 милиони барели од стратешките резерви, што би можело да ги направи резервите на тој извор на енергија најниски од 1983 година.