ЛЕВИЦА СО ПРАШАЊЕ ДО ВЛАСТА Дали фирмата „Еколог” блиска до ДУИ ќе го рестартира рудникот на смртта?

Дали поранешниот министер за странски инвестиции, а сега адвокат на „Еуромакс”, Арленд Зекири со помош на ДУИ и Владата, ќе издејствува повторно враќање на претходно одземената концесија на рудникот на смртта? прашува преку соопштение Левица.

Според неофицијални информации на партијата, сопственикот на „Еколог”, Љазим Дестани (кој е близок до ДУИ) се подготвува да го купи „Еуромакс”.

Ова, велат од пратијата, ги вознемири жителите на општинатa Босилово, кои во повеќе наврати се изјаснија дека се против овој рудник на смртт, а како резултат на притисоците на разни граѓански иницијативи и бројни протести на локалното население, во декември 2019 година, Владата го раскина договорот за експлоатација на рудникот со компанијата „Еуромакс ресурси”.

„За енормните ризици што ги носи овој рудник говори фактот што на само десет километри од рудникот се наоѓа Моноспитовско Блато, коешто е ризница на значајни локални ендемити и ретки видови. Но, и водните ресурси што се наоѓаат во околината на рудникот се во голема опасност. Отворањето на овој рудник ќе предизвика загадување на водите со висока концентрација на одредени тешки метали, кои се застапени во рудата и во флотациската јаловина што се добива во процесот на обработка“, се наведува во соопштението.

Левица, додаваат од партијата, во целост ги поддржува жителите на општина Босилово против екоцидот.

„Партиско-олигархиската спрега на корумпираната власт очигледно е подготвена да уништи цел земјоделски регион и да го загрози локалното население, а во интерес на профитот на бизнисите блиски до СДС и ДУИ”, се вели во соопштението.