ОСВЕН ЗА НАЈУБАВ ОСТРОВ, ВАЖИ И ЗА ЕВРОПСКА СОДОМА И ГОМОРА Туристите без срам им мочаат пред вратите
Иако веќе со години медиумите пишуваат дека Хвар им објавил војна на разулавените туристи за кои се предвидени казни за голотија и пијанство, тие од година во година се сѐ поразуздани и понеодговорни…А додавките „Содома и Гомора“ изгледа уште долго ќе се поврзуваат со градот кој стана синоним за разврат
Кој се шета по улиците на Хвар во костим за капење ќе плати и до 600 евра, жените во горен дел од костим за капење и мажите со голо торзо ќе платат до 500 евра. Оние што лежат пијани на земја-700…Незнам колку е казната кога некој ќе се помоча пред нечија врата, ама знам дека ништо од ова не допира до хварските туристи кои доаѓаат тука како гладни волци настрвени за што повеќе разврат и разузданост.
Се сомневаме и дека некој навистина се обидува да им ги наплати овие казни со оглед на тоа што е очигледно дека никој не се осврнува на забраните. И не е само тоа. Деновиве медиумите се преплавени од снимките на девојка која уринира пред една куќа во градот, а тоа не е проблем само на хварани. И жителите на Сплит се жалат дека целиот град смрди на урина, а Диоклецијановата палата, нели, под заштита на УНЕСКО и тесните улички на градот се како јавни тоалети. Таблите со предупредувања и казни кои ги очекуваат во случај на недолично однесување се насекаде низ градот.
Туристите пак, а особено на лош глас се Британците, повраќаат низ градот, уринираат во секоја уличка, шетаат без маици, спијат по градските површини, талкаат и не знаат ни каде се, ни кои се.
Повеќе за ова на порталот „Мајка и дете“.