ПРИСТИГНА ИЗВЕШТАЈОТ ОД ГЕРМАНИЈА Откако ќе биде преведен ќе биде позната причината за пожарот во тетовската болница

Досега се направени три вештачења во врска со пожарот во модуларната болница во Тетово. Првиот од крим-техника при МВР, второто е вештачењето од Технолошкиот факултет, а третото е направено до електроинженер во врска со електричните инсталации.

433

На германските експерти им требаа дури четири месеци да го дадат своето стручно мислење во истрагата за настанување на пожарот во тетовската модуларна болница.

– До Основното јавно обвинителство Тетово пристигна извештајот од вештачењето што преку меѓународна правна помош беше побарано од германските експерти. Откако ќе биде преведен извештајот, наодите ќе бидат детално анализирани во корелација со другите прибрани докази во предметот, по што ќе биде донесена јавнообвинителска одлука – велат од обвинителството.






На почетокот на октомври минатата година, пак, беше објавено дека според вештачењето на МВР пожарот во модуларната настанал како последица на запален продолжен кабел, на кој бил приклучен дефибрилатор, односно апарат за реанимација, полнач за мобилен телефон и уште еден уред, а беа направени и вештачења на Технолошкиот факултет и од електроинженер.

Во пожарот ноќта на 8 септември загинаа 14 лица, од кои 12 беа хоспитализирани пациенти со ковид-19.

Поврзани содржини