14 СЛОНОВИ ГО ЗАВРШИЈА ПАТУВАЊЕТО Стадото го обезбедуваа 25.000 полицајци, а 150.000 луѓе беа евакуирани (ВИДЕО)

Четиринаесет диви азиски слонови се движат кон заштитено живеалиште во југозападната кинеска провинција Јунан, продолжувајќи го своето долго патување од 1.300 километри, пренесуваат агенциите.

Слоновите безбедно го преминаа мостот преку реката Јуан, свртувајќи се на југ кон природниот парк со кој управува градот Пуер, потврдија надлежните служби.

Специјалниот комитет формиран за диви слонови користи електрични огради, разни мамки, како храна, за да ги води до нивната дестинација. За таа цел се поставени и вештачки патишта.

Членот на управниот одбор Јанг Јингјонг им рече на новинарите дека рутата за миграција е „научно планирана“.

– Комитетот ќе стори сé за да ги врати слоновите во нивното живеалиште што е можно поскоро и да напредуваaт таму – рече Јанг.

 

A herd of 14 wild elephants that have wandered for months through southwestern China may be “one step closer to home” after crossing the Yuanjiang River, officials said pic.twitter.com/UxSDHRqASU

— Bloomberg Quicktake (@Quicktake) August 9, 2021

Беа распоредени 25.000 полицајци, 150.000 луѓе беа евакуирани

Јунан распореди повеќе од 25.000 полицајци и 1.500 возила за да ги следат и да ги хранат слоновите, но и да обезбедат јавна безбедност.

Повеќе од 150.000 луѓе беа евакуирани долж трасата, а осигурителните компании платија околу пет милиони јуани (771.000 американски долари) како материјална штета.

Во април оваа година, 15 слонови го напуштија Пуер и пешачеа повеќе од 1.300 километри за да застанат на Кунминг во јуни.

Шен Кингжонг, експерт во природниот парк Ксиуангбана, рече дека е многу веројатно слоновите повторно да се упатат кон север, бидејќи „миграциите и проширувањето на азиската популација слонови се неизбежни“.

 

A herd of elephants in China is making its way home after traveling more than 500 kilometers last year. https://t.co/l4bPsa612Q pic.twitter.com/wiwFRQxEnz

— CNN (@CNN) August 9, 2021