ЗНАМЕ СО „ГОЛЕМА АЛБАНИЈА“ СЕ ВЕЕШЕ ВЧЕРА ВО ТЕТОВО Ќе добијат ли и овие лица ист „третман“ како адвокатот Менкиноски кој го развеа Сонцето од Кутлеш?
Дури и да не го забележал таквиот пропуст за време на настанот, сепак, тетовскиот градоначалник Билал Касами денеска објави фотографии на социјалната мрежа Фејсбук, а на кои се гледа и развеаното спорно знаме кое прикажува дека дел од териториите на Македонија, Црна Гора, Србија и на Грција се дел од т.н. „Голема Албанија“.
Дали тетовскиот градоначалник Билал Касами, кој беше организатор на вчерашниот собир во Тетово на кој присуствуваше и косовскиот премиер Албин Курти, го забележал знамето со „Голема Албанија“ што синоќа се вееше помеѓу присутните на собирот?
Дури и да не го забележал таквиот пропуст за време на настанот, сепак, тој денеска објави фотографии на социјалната мрежа Фејсбук, а на кои се гледа и развеаното спорно знаме кое прикажува дека дел од териториите на Македонија, Црна Гора, Србија и на Грција се дел од т.н. „Голема Албанија“.
Засега нема никаква реакција од организаторот на настанот, иако јавноста очекува од тетовскиот градоначалник во најмала рака да побара да се санкционираат лицата коишто го вееле ова знаме.
Молчи и Министерството за внатрешни работи (МВР), иако, свежи се сеќавањата дека за ваков сличен потег, адвокатот Тони Менкиноски неодамна беше обвинет за нарушување на јавниот ред и мир со поставувањето знаме со Сонцето од Кутлеш во центарот на Охрид, а образложението на полицијата беше дека „не смее да се вее ништо недржавно“.