ЖЕНИТЕ НЕМААТ ИСТ ТРЕТМАН СО МАЖИТЕ ДУРИ И КОГА СТАНУВА ЗБОР ЗА ИНФАРКТ Еве зошто срцевите удари кај жените често остануваат непрепознаени
Експертите предупредуваат дека срцевите удари кај жените сè уште премногу често се погрешно дијагностицирани бидејќи нивните симптоми се опишуваат како „атипични“. Како резултат на тоа, многу пациентки не добиваат навремена помош, иако и кај жените, болката во градите е најчестиот знак за срцев удар.
Една жена доаѓа во одделот за итни случаи затоа што чувствува недостаток на воздух и се поти обилно. Има болка во грбот, во пределот на лопатката, а болката се шири по левата рака.
Сите наоди се нормални и таа е испратена дома.
Следниот ден оди кај кардиолог. Тој проценува дека нејзините симптоми може да бидат поврзани со анксиозност.
Таа ноќ таа доживува срцев удар.
Ова е приказната за Барбара Колура, амбасадорка на Фондацијата за семејно здравје на срцето (Family Heart Foundation) во Соединетите Држави, но и судбината на илјадници други жени низ целиот свет.
Иако Колура на крајот добила соодветен третман, родовиот јаз во кардиолошката нега, многу жени ги чини живот, пишува „Science Alert“.
Во некои развиени земји со квалитетни здравствени системи, како што е Австралија, истражувачите проценуваат дека дури 20 проценти од смртните случаи од срцев удар кај жените би можеле да се спречат доколку жените и мажите се третираат подеднакво.
Но, тоа не е случај. Жените под 55 години во Соединетите Американски Држави имаат седум пати поголема веројатност од мажите да бидат отпуштени од итната помош без соодветна кардиолошка евалуација.
Во текот на поставувањето на дијагноза, еден збор би можел да ги доведе во опасност: атипично.