ЖЕНА ЌЕ ЈА ВОДИ НАДВОРЕШНАТА ПОЛИТИКА НА СЕВЕРНА КОРЕЈА Чое Сон Хуи го советуваше Ун во нуклеарните преговори со Трамп
Чое Сон Хуи ќе го замени Ри Сон Гвон, поранешен воен функционер кој преговараше со Јужна Кореја.
Северна Кореја за првпат назначи жена за министер за надворешни работи, објавија денеска севернокорејските државни медиуми.
Чое Сон Хуи, поранешна заменичка министерка за надворешни работи, е назначена за шефица на дипломатијата на состанокот на владејачката партија, со кој претседаваше севернокорејскиот лидер Ким Џонг Ун, јави агенцијата CCNA.
Можеби ќе ве интересира
Таа ќе го замени Ри Сон Гвон, поранешен воен функционер кој преговараше со Јужна Кореја.
Чое беше блиска советничка на Ким Џонг Ун за време на нуклеарните преговори со САД и го придружуваше севернокорејскиот лидер на средбите со поранешниот американски претседател Доналд Трамп.