ЗЕТ СО МАКЕДОНСКО ПОТЕКЛО Тенисерката Симона Халеп се омажи за милијардерот Тони Јурук (ФОТО)

Една од најдобрите тенисерки на светот, Симона Халеп, се омажи за романскиот бизнисмен Тони Јурук, кој пак, е Влав со потекло од Македонија.

Тие направија приватна церемонија во градот Констанца, а Халеп објави фотографии од венчавката на социјалната мрежа Инстаграм.

„Прекрасно беше и многу сум емотивна. Ова се поинакви чувства од освојувањето на гренд-слем титула“, напиша 29-годишната Халеп, која досега ги освојуваше и Ролан Гарос и Вимблдон.

Инаку, и самата Симона Халеп влече потекло од Македонија, бидејќи нејзините предци мигрирале во Романија од битолското село Маловишта. Таа во повеќе наврати изјавува дека нејзините влашки врски се многу силни и дека ако некогаш стапи во брак, тоа ќе го стори исклучиво со Влав.

Симона Халеп и Тони Јурук, кој е роден во Македонија, се во врска веќе три години.