ЗЕЛЕНСКИ ИСПРАТИ ПОРАКА СО НАДЕЖ Брод со жито пристигна во Етиопија ВИДЕО
Брод со украинска пченица наменет за Етиопија вчера пристигна во пристаништето, првиот брод што испловил како дел од напорите за испраќање храна во земјите најранливи на глад и суша, рече претседателот Володимир Зеленски.
Минатата сабота Украина и сојузничките земји покренаа иницијатива за извоз на жито во вредност од 150 милиони долари во Етиопија, Судан, Јужен Судан, Сомалија, Конго, Кенија и во Јемен.
„Испраќаме храна. Испраќаме надеж“, рече Зеленски во твитот заедно со кратко видео од бродот што превезува 25.000 тони пченица за Етиопија, за кој рече дека пристигнал во пристаништето Доралех, во соседен Џибути.
Зеленски во петокот рече дека до почетокот на следната година вкупно околу 60 бродови ќе испорачаат товар.
On November 15, we launched humanitarian program #GrainFromUkraine to help people who are most vulnerable to acute food crisis. Today, the first vessel arrived to Doraleh Port carrying a humanitarian cargo of 25 thousand tons of wheat for Ethiopia. We ship food. We ship hope. pic.twitter.com/LO8lcp5z7E
— Володимир Зеленський (@ZelenskyyUa) December 3, 2022