ЗЕКИРИ ЈА ЗЛОУПОТРЕБИЛ СЛУЖБЕНАТА ПОЛОЖБА? Обвинителството бара притвор

Според опишаните дејствија во наредбата, постои основано сомнение дека првоосомничениот – висок функционер во Владата на РСМ во својство на службено лице сторил кривично дело злоупотреба на службената положба и овластување, порачаа од ОЈО.

Од плусинфо Објавено 08/04/2022 10:22:04

Основното јавно обвинителство за гонење на организиран криминал и корупција, донесе nаредба за спроведување на истражна постапка против двајца хрватски државјани и еден државјанин на РСМ.

„Според опишаните дејствија во наредбата, постои основано сомнение дека првоосомничениот – висок функционер во Владата на РСМ во својство на службено лице сторил кривично дело злоупотреба на службената положба и овластување од чл.353 ст.5 в.в. ст.3 в.в. ст.1 од КЗ на РМ, за што му помогнале останатите двајца осомничени. Во периодот од месец април 2021 година до месец јануари 2022 година, со искористување на својата службена положба првоосомничениот без спроведување на соодветна постапка за јавна набавка, склучил договор за консултантски услуги со правно лице во што со умисла му помогнале осомничените хрватски државјани. Со преземените дејствија осомничените за правното лице прибавиле значителна противправна имотна корист во вкупна вредност од 57.932.100,00 денари, а на штета на Буџетот на Р.Северна Македонија. Износ што бил поголем од 795.000 евра, односно од договорениот износ за вршење на консултантските услуги“, пишува во соопштението на ОЈО за гонење организиран криминал и корупција“, велат од обвинителството.

Можеби ќе ве интересира

ПАЛЕВСКИ ОБВИНУВА ЗА ПОЛИТИЧКИ ПРОГОН Обвинителките му ја…

Соња Христовска Угриновска 28/04/2025

ВМРО-ДПМНЕ ЈА ИСПОРАЧУВА ВЕТЕНАТА ПРАВДА Над 60% од…

плусинфо 28/04/2025

Оттаму порачуваа дека постои реална опасност осомничените да се дадат во бегство, дотолку повеќе што двајца се странски државјани, ако се има предвид кривичното дело што им се става на товар, како и опасност доколку осомничените се бранат од слобода да ги уништат трагите или да влијаат врз потенцијалните сведоци или да го повторат делото, јавниот обвинител до Судијата на претходна постапка при Основниот кривичен суд Скопје ќе поднесе предлог за определување на мерка притвор за тројцата осомничени.

Медиумите претпоставуваат дека истражната постапка е отворена против Мухамед Зекири, генералниот секретар на Владата. Тој утринава изјави дека не знае ништо за постапката што се води против него, ниту, пак, знае дека обвинителството побарало притвор.