ЗЕЈН МАЛИК БАРАЛ ПОМОШ ОД ВРВНИ КАРДИОЛОЗИ Обожавателите на пејачот загрижени поради неговата здравствена состојба

Зејн Малик се опоравува од мистериозен здравствен проблем поради кој заврши во болница, а според најновите информации, тој побарал помош од еден од водечките светски кардиолози.

Пејачот ги загрижи обожавателите минатата недела објавувајќи фотографија од болничкиот кревет, а во меѓувреме откажа низа промотивни активности за својот нов албум, вклучувајќи ексклузивен концерт во Кингстон.

– Тажен сум затоа што не можам да ве видам оваа недела. Не би бил таму каде што сум денес без вас и благодарен сум за вашето разбирање – напиша Зејн на Инстаграм, заблагодарувајќи му се на медицинскиот персонал кој се грижи за него.

Извор близок до пејачот открива дека ситуацијата сè уште се следи: „Зејн сè уште се справува со здравствени предизвици. Лекарите го советувале да се одмори и да се подложи на дополнителни тестови, поради што морал да го откаже појавувањето во шоуто на Џими Фалон – објавува „Дејли меил“.

Но, покрај здравствените проблеми, Зејн се најде и во центарот на нова контроверза. Британските медиуми објавуваат дека за време на снимањето на документарецот на Нетфликс, тој наводно влегол во физичка пресметка со својот поранешен колега од бендот „Уан дирекшн“, Луис Томлинсон.

Според овие извештаи, проектот бил откажан по инцидент во кој Луис доживеал потрес на мозокот.

– Ситуацијата ескалираше побрзо отколку што очекуваше кој било. Продукцијата немаше друг избор освен да престане со снимањето – тврди изворот.

Додавање масло на огнот беше фактот дека Луис неодамна престана да го следи Зејн на Инстаграм, додека Зејн сè уште го следи него, што фановите веднаш го протолкуваа како потврда за затегнат однос.