ЗДРАВ ОБРОК ЗА 5 МИНУТИ Најмалите тестенини на светот и зеленчук од конзерва
Покрај тоа што е вкусен и лесен за подготовка, кускусот е богат со есенцијални хранливи материи кои помагаат да се одржи доброто здравје. Овој оброк од кускус е комбиниран со зеленчук од конзерва (мексикански микс) и прелив од таан, вода и сок од лимон
Кускусот е познат како најмали тестенини на светот. Станува збор за храна која се добива од кршена тврда (дурум) пченица, слободно можеме да ја наречеме и каша, а ни доаѓа од Северна Африка и Блискиот Исток. Исто така е многу распространета во Италија, каде што може да се најде во слични варијанти под различни имиња.
Како и да го наречете, кускусот е исклучително хранлива намирница со неутрален вкус која одлично оди со многу други намирници и затоа сѐ почесто наоѓа место на трпезите ширум светот.
Интересно е и тоа што е многу честа појава во исхраната на луѓето кои сакаат да се хранат поздраво, но патем, и да ослабат. Имено, тој е богат со влакна, па овозможува чувство на ситост, а добар е и за намалување на холестеролот во крвта. Бидејќи има помалку калории од оризот, многу често се користи како замена за него.
Прочитајте повеќе на „Арт кујна“.