Засега нема повредени Македонци по експлозијата во Бејрут, велат од МНР
Оттаму додаваат дека засега ниту еден наш граѓанин кој би можел да се наоѓа во Либан не се обратил до Министерството за надворешни работи за соодветна помош.
Министерството за надворешни работи информира дека до овој момент не се пристигнати информации за евентуално засегнати наши граѓани по вчерашната експлозија во Бејрут, која што однесе повеќе од 100 животи и разори делови од градот.
– МНР преку дипломатски канали ги презема сите неопходни мерки и активности за добивање на соодветни информации поврзани со нашите државјани кои би можеле да бидат засегнати од вчерашната несреќа во Либан – се вели во соопштението од МНР.
Оттаму додаваат дека засега ниту еден наш граѓанин кој би можел да се наоѓа во Либан не се обратил до Министерството за надворешни работи за соодветна помош.
– За оние кои се наоѓаат таму, а во случај на потреба од информација или помош, веднаш да се јават на дежурниот сервис во МНР: +389 75 273 732 или на останатите Глобал СОС телефони во следниве дипломатски претставништва на Република Северна Македонија: Анкара +90 539 456 97 10, Истанбул +90 545 614 97 77, Доха +974 665 979 44, Каиро +201002898673, Абу Даби +971 564 417 552. Овие броеви се достапни и на „Viber“ и „WhatsApp“ апликациите – соопштуваат од МНР.