Започнува вакцинација со „полесната“ верзија на руската вакцина за ковид-19

Првите дози од новата вакцина „Спутник лајт“ ќе бидат достапни за граѓаните од 25 јуни, објави денеска министерот за здравство на Русија, Михаил Мурашко.

– Вакцините „Спутник лајт“, кои можат да послужат и како втора доза за ревакцинација, во моментов се подложени на тестови за производство и квалитет. Мислам дека „Спутник лајт“ ќе се најде на пазарот во текот на следната недела, а од 25 јуни првите дози ќе се администрираат на цивилното население – потврди Мурашко.

„Спутник лајт“ во основа е првата компонента на вакцината „Спутник V“ и нејзината ефикасност се проценува на скоро 80 ​​проценти.

Во последните 24 часа беа потврдени уште 17.378 заразени лица во Русија, вкупно 1.294.154 од почетокот на пандемијата.