ЗАПОЧНА ПЕЧАТЕЊЕТО НА НОВИТЕ УЧЕБНИЦИ Децата ќе ги добијат книгите во ноември (ФОТО)
Приоритет во процесот на печатење имаат учебниците за прво, второ, четврто и петто одделение, кои низ сложена неколкумесечна постапка се неодамна одобрени, а нивната изработка следеше по креирањето на нови наставни програми за овие одделенија, согласно планот за етапна реформа на основното образование, се вели во соопштението.
Започна печатењето на учебниците за основно образование кои се нови и оваа учебна година за првпат ќе се употребуваат, информираше Министерството за образование преку соопштение, објавувајќи фотографии од самиот процес на печатење.
„Приоритет во процесот на печатење имаат учебниците за прво, второ, четврто и петто одделение, кои низ сложена неколкумесечна постапка се неодамна одобрени, а нивната изработка следеше по креирањето на нови наставни програми за овие одделенија, согласно планот за етапна реформа на основното образование. Согласно договорот со економскиот оператор, печатницата Европа 92, целосната испорака ќе биде заокружена во текот на следниот месец. МОН заедно со другите надлежни институции ќе продолжи да вложува во изработка на нови наставни програми и учебници, затоа што тоа е еден од основните услови за квалитетна едукација, односно воспитно – образовен процес“, наведено е во соопштението.
