ЗАПЛЕНЕТИ 100 КИЛОГРАМИ РИБА И 22 МРЕЖИ ВО ПРЕСПА Уловот е предаден на Државниот инспекторат за земјоделие (ВИДЕО)

Утринава меѓу 2 и 7 часот во координирана акција на полициски службеници од Мобилната единица за компензаторни мерки при ОГРМ, БЈБ во соработка со Државниот инспекторат за земјоделие и концесионерот на езерото во водите на Преспанското езеро пронајдени се 22 рибарски мрежи во вкупна должина од околу 1100 метри, со околу 100 килограми улов, известува Министерството за внатрешни работи.

Мрежите и уловот се подигнати и предадени на Државниот инспекторат за земјоделие за понатамошна постапка.