🎥 ЗАПАЛЕН ВЛЕЗОТ НА МВР НА АЛБАНИЈА, ПРОТЕСТИТЕ СЀ ПОЖЕСТОКИ Повредени 16 полицајци, нападнато седиштето на Социјалистичката партија на Рама
Маскирани демонстранти на шестиот ден од протетсиѕѕе во Тирана фрлаа камења, молотови коктели и пиротехника кон полицајците и ги запалија Полициската станица број 3 и главниот влез на Министерството за внатрешни работи.
Во синоќешните протести во Тирана, кои се одржаа шести ден, повредени се 16 полицајци, а беше нападнато и седиштето на владејачката Социјалистичка партија и зградата на Министерството за внатрешни работи, пренесе Албаниан пост.
Маскирани демонстранти фрлаа камења, молотови коктели и пиротехника кон полицајците и ги запалија Полициската станица број 3 и главниот влез на Министерството за внатрешни работи.
За време на судирите меѓу полицијата и демонстрантите повредени се и еден малолетник и еден новинар.
Полицијата за време на интервенцијата употреби солзавец и водени топови.
Durante o sexto protesto antigovernamental em Tirana, confrontos violentos entre manifestantes e a polícia eclodiram novamente e a situação ficou tensa, na praça Skenderbeg e ao longo do Boulevard dos Mártires da Nação.
#Albania https://t.co/BS4Wmadi7I— Hugo Borges (@hbj_r77032) October 18, 2026
Протестот почна околу 12:30 часот со собирање на учесниците пред Министерството за образование, а веќе околу 13:20 часот беа фрлени првите камења кон полицајците, додека околу 13:50 часот судирите се интензивираа. За време на инцидентите во близина на Министерството за образование, новинар беше погоден со камен во карлицата и му беше укажана медицинска помош.
Intense, direct clashes continue between protesters and police in Albania. 🚨🚨🚨
#Day141 #FlamingoRevolution 🇦🇱🦩 https://t.co/mFBWUI5Rzo
— Tirana Report (@Tirana_Report) October 18, 2026
По 14 часот, демонстрантите го напуштија просторот пред Министерството за образование и почнаа протестен марш низ улиците на главниот град на Албанија. По околу еден час, тензии избувнаа во близина на седиштето на Социјалистичката партија, каде што група демонстранти, главно маскирани млади лица, успеа да го пробие полицискиот кордон и почна да ја гаѓа зградата со камења и со цврсти предмети.
Демонстрантите ги искршија стаклата на главниот влез во седиштето на Социјалистичката партија, чиј претседател е албанскиот премиер Еди Рама. За време на судирите беа забележани маскирани лица како излегуваат од зградата, од кои некои носеа палки, а полицијата употреби солзавец и водени топови за да ја растера толпата и да ја врати контролата врз подрачјето. Сепак, нападите не престанаа целосно, бидејќи подоцна беа пријавени и други инциденти во близина на седиштето на социјалистите.
On Sunday, students attacked the headquarters of Prime Minister Edi Rama’s ruling Socialist Party. A dozen thugs emerged from inside the building and violently assaulted the protesters.
#Albania #Tirana #Protest https://t.co/lGfuWH7MQJ— Isa Myzyraj (@IsamyzyrajAlb) October 18, 2026
Потоа групи демонстранти околу 15:30 часот пристигнаа до канцеларијата на премиерот, каде што повторно дојде до дополнителни инциденти со полицијата.
Во попладневните и вечерните часови насилството се прошири во други делови на Тирана, а демонстрантите со молотови коктели ја нападнаа полициската станица број 3, предизвикувајќи пожар и оштетувања на зградата. За време на инцидентот беше пријавено дека се повредени 16 полицајци, додека некои од нив беа видени како лежат на земја внатре во просториите на установата.
⚠️ 🇦🇱 La police a utilisé des canons à eau pour disperser la foule lors de manifestations contre la politique éducative du gouvernement à Tirana, capitale de l’Albanie, dimanche 18 octobre. https://t.co/EwXQ4p2bEz
— Press TV Français (@fr_presstv) October 19, 2026
Во истата фаза од протестот, молотови коктели и пиротехника беа фрлени и кон Министерството за внатрешни работи, при што главниот влез во зградата се запали, додека демонстрантите продолжија да фрлаат камења и пиротехнички средства кон полицајците кои го обезбедуваа подрачјето.
Во текот на вечерта беа пријавени и други инциденти, при што демонстрантите фрлаа камења и пиротехника кон полицијата, на што полицијата повторно одговори со солзавец. Околу 19 часот демонстрантите почнаа да се разидуваат во неколку делови на Тирана, но ситуацијата не се смири целосно.
Протестите, предводени од студенти, почнаа поради незадоволство од состојбите во образованието, високите трошоци за студирање и слабите можности за вработување на младите, но прераснаа во пошироки демонстрации против владата на Еди Рама, со барања за негова оставка.