Захариева одговара зошто реагираат за говор на омраза во Македонија, но премолчуваат ако тоа се случи во Србија (ВИДЕО)
Захариева вели дека тоа не се двојни аршини, но разликата е што Македонија не ги почнала преговорите, а Србија веќе преговара со ЕУ.
Во емисијата „Контракоментар“, министерка за надворешни работи на Бугарија, Екатерина Захариева изјави дека e oправдано тоа што не дозволиле Македонија да ги почне преговорите со Европската Унија.
– Не е тајна дека имаме различни позиции – одговори таа на прашањето зошто реагираат за говорот на омраза во Македонија, а не реагираат за истото во Србија, за што водителот наведе и конкретен пример.
Захариева вели дека тоа не се двојни аршини, но разликата е што Македонија не ги почнала преговорите, а Србија веќе преговара со ЕУ.
За Србија кажа дека има недостиг на учебници за децата кои се од бугарското малцинство, но вели дека Србија она што го има во законот, треба да го спроведе во пракса. Таа рече дека Бугарите во Србија се невработени и за нив треба работа.
Таа додава дека Бугарија не е задоволна од фактот дека мораше да каже „не“ на преговорите меѓу Северна Македонија и Европската унија.
Захариева истакна дека проблемите меѓу Софија и Скопје се поврзани со фактот дека Македонците не го спроведуваат Договорот за пријателство и добрососедство, што премиерите на двете земји Бојко Борисов и Зоран Заев го потпишаа во август 2017 година. Другиот важен проблем е продолжување на говорот на омраза против Бугарија.
– 30 години по промените, тие едуцираат генерација по генерација во омраза кон Бугарија. Не радува фактот што моравме да кажеме „не“, но тие продолжуваат да не нарекуваат „фашисти“ само нашиот народ во своите учебници. Да, Бугарија беше сојузник на Германија, но бугарскиот народ ги спаси своите Евреи – изјави Захариева за „Контракоментер“.
Шефот на бугарската дипломатија рече дека нерешените билатерални прашања, како што имаме со Скопје, се пречка за продолжување на процесот на евроинтеграција и тие мора да бидат расчистени пред повикот за преговори. Ова е основен принцип на ЕУ.
– Затоа секоја земја-кандидат мора да се справи со нерешени прашања не само со земјите-членки, туку и со соседите – нагласи Захариева, додавајќи: – Работиме на решавање на прашањата, но не смееме да ги затвораме очите кон фалсификување на историјата и говорот на омраза говор.
На прашањето зошто Бугарија исто така не ја развива инфраструктурата со Македонија долж Коридорот 8, што треба да ги поврзе двете земји, министерката рече дека железничката пруга е донесена на граница, не можаме да завршиме нешто што не завршува во ништо.