Заев пред Митровден: Не се собирајте дома за семејните слави!

Премиерот Зоран Заев ден пред Митровден, на својот профил на Фејсбук испрати апел до граѓаните да се не собираат дома за семејните слави за да го зачуваат своето и здравјето на другите.

„Со приближувањето на зимските празници, апелирам да нема собирања по домовите. Да останеме скромни, воздржани и одговорни за време на славите и имендените оваа година. Тие ќе бидат тука и идната година, и тогаш, здрави и живи, ќе си честитаме и ќе прославиме согласно традицијата“, порача Заев.