За субвенционирање на минимална плата аплицирале 4.000 компании

Министерката за финансии Нина Ангеловска на денешната прес-конференција рече дека досега 1 000 компании побарале ослободување од аконтации за данок на добивка за март, април и мај и за ослободување од аконтации за данок на личен доход за самостојните вршители на дејности, што е дел од првиот сет антикризни мерки

Според информациите од министерството од нив 680 аплизирале за ослободување од данок на добивка и 380 се за данок на личен доход.

– За бескаматните кредити од првата кредитна линија во вредност од 4,7 милиони евра пристигнати се апликации од 631 компанија со 56.000 вработени – рече Ангеловска.

Министерката истакна дека за втората кредитна линија која е пуштена на 29 април во висина од 8 милиони евра, веќе се пристигнати 600 апликации, при што додаде дека се очекува поголем интерес, бидејќи за втората кредитна линија се олеснети и постапката и условите за аплицирање.

За најобемната мерка, субвенционирање на компаниите со минимална плата за секој вработен и на придонесите до 50 проценти, тешка 120 милиони евра која е со поддршка на Светската банка, која е во тек, заклучно со денеска пристигнале 5.000 апликации од кои 4.000 веќе се првично одобрени во однос на условите. После 7 мај кога завршува втората апликација точно ќе се знае колку компании ќе ја искористат оваа антикризна мерка која е насочена кон помош на компании да ја зачуваат ликвидноста и работните места во услови на корона- кризата.