ХИЛ ГИ ОТКРИ ПЛАНОВИТЕ НА САД ЗА КОСОВО? Вучиќ разочаран од новите вести
Вучиќ рече дека оваа информација е големо разочарување за Србија, но дека Белград заедно со САД ќе работи на зачувување на српско-американските односи и дека „за нас е од најголема важност да не се нарушува мирот во регионот“.
Амбасадорот Хил го информираше претседателот на Србија Александар Вучиќ за американската одлука да го прифати барањето на Приштина за набавка на противтенковски ракети Џавелин. Како што изјави Хил, Стејт департментот ќе го испрати барањето на Приштина до Конгресот на САД, кои ја започнуваат официјалната процедура, пишува Б92.
Вучиќ рече дека оваа информација е големо разочарување за Србија, но дека Белград заедно со САД ќе работи на зачувување на српско-американските односи.
– За нас е од најголема важност да не се нарушува мирот во регионот и Србија да продолжи да се однесува одговорно и да придонесува за стабилноста на Балканот – рече претседателот Вучиќ.
Тој посочи дека е неопходно нашата земја да продолжи да работи на зајакнување не само на патната инфраструктура, туку и на енергетиката и најави дека наскоро се очекува да се потпишат значајни договори меѓу Србија и САД за развој на инфраструктурата.
Добрите односи меѓу Србија и САД влијаеле и на создавање соодветен терен за проширување на економската соработка меѓу двете земји, заклучија соговорниците на денешната средба во кабинетот на Вучиќ.