ВТОРПАТ ВО ОВАА СЕДМИЦА Проблеми со Фејсбук, Инстаграм, Ватсап и со Месинџер

Бројни корисници на Фејсбук, Инстаграм, Ватсап и на Месинџер услугите вечерва објавија дека повторно имале проблеми со нив.

Според веб-страницата Downdetector, имало повеќе од 17.000 пријави за неправилности во работата за помалку од половина час. Корисниците на Фејсбук не можеле да ги видат своите известувања, бидејќи кога се обидувале да го сторат тоа, се појавувала грешка.

Тие имале проблеми со испраќање пораки на Месинџер, Ватсап со „проверување“ на апликацијата, Инстаграм, а што се однесува до Фејсбук, корисниците најчесто пријавувале проблеми со веб-страницата, а потоа и со апликацијата.

„Свесни сме дека некои луѓе имаат проблеми со пристапот кон нашите апликации и производи. Работиме на тоа работите што побрзо да се вратат во нормала”, наведуваат од Фејсбук.

Ова е вторпат оваа недела популарните социјални мрежи да се соочуваат со проблеми во работата, откако во понеделникот неколку часа не функционираа.