ВТОРПАТ СЕ ВРАЌА Лампард на клупата на Челзи
Френк Лампард вторпат во тренерската кариера се враќа во лондонски Челзи каде како фудбалер остави длабока трага, а ќе го предводи од клупата премиерлигашот до крајот на оваа сезона.
Лампард во минатото мина 19 месеци на клупата на Челзи, пред да добие отказ во јануари 2021 година.
Можеби ќе ве интересира
„Пресреќни сме што повторно на Френк можеме да му посакаме добредојде на Стемфорд Бриџ. Френк е член на Куќата на славни на Премиер лигата и клупска легенда“, порачаа челниците на Челзи, Тод Бојли и Бехдад Егбали, во заедничко соопштение.
Пред Челзи се уште девет премиерлигашки натпревари оваа сезона, како и многу поважните дуели против актуелниот европски првак Реал Мадрид, во четвртфиналето во Лигата на шампиони, кои ќе се одиграат на 12 и 18 овој месец.