(ВОЗНЕМИРУВАЧКО ВИДЕО) МАЖ ПРЕГАЗИ 35 ЛИЦА ВО ТОЛПА ВО КИНА Напаѓачот возел мал џип

Маж (62) намерно го насочи својот автомобил кон толпа луѓе, усмртувајќи 35 и повредувајќи дополнителни 43 лица, соопштија денеска безбедносните служби во јужниот кинески град Џухаи.

Во нападот, кој се случил синоќа, мажот користел мал теренски автомобил за да пробие низ вратите на спортскиот центар и да влета меѓу луѓето кои вежбале таму.

Возачот бил приведен од полицијата додека се обидувал да побегне, се наведува во извештаите. Тој себеси се повредил сериозно со нож и паднал во кома, соопштија безбедносните власти.

Прелиминарните истраги покажале дека возачот бил незадоволен од поделбата на имотот по разводот, што го натерало на нападот.

Претседателот Си Џинпинг е шокиран.

– Мораме строго да го казниме убиецот во согласност со законот – изјави тој, пренесува државната новинска агенција Синхуа.

#Watch: 35 people have been killed and dozens of others were injured in a car ramming in Zhuhai, south China’s Guangdong Province.#China #Zhuhai #chinese #Accident pic.twitter.com/cQIxUoF8aw

— Al Bawaba News (@AlBawabaEnglish) November 12, 2024

🇨🇳 | ÚLTIMA HORA: Tragedia en Zhuhai: Auto embiste a multitud, dejando 35 muertos y 43 heridos en China 🚨

Like y Comparte 🔁

Una escena devastadora se vivió en la ciudad de Zhuhai, al sur de China, cuando un automóvil se lanzó contra un grupo de personas reunidas frente a un… pic.twitter.com/IoOEgAUs57

— Global Network News 🌎 (@iluminnatii) November 12, 2024

Веднаш по инцидентот, државните медиуми известија дека има повеќе повредени. Првично немаше понатамошни извештаи. Медиумските написи и објавите на социјалните мрежи подоцна беа избришани од државните цензори.

Смртните случаи и повредите се потврдени повеќе од еден ден подоцна.

Во Џухаи моментално се одржува меѓународен саем за авијација и аеронаутика. Кинеските цензори често се на повисоко ниво на внимателност за време на вакви големи настани.