ВОЗДУХОТ Е ЗАГАДЕН ЗАШТО ВМРО-ДПМНЕ Е НА ВЛАСТ?! Владата ги намалила парите за чист воздух за 51%, обвинува СДСМ
„Власта на Мицкоски нема намера ништо да преземе за да ги заштити граѓаните“, се вели во соопштението на СДСМ.
Последните податоци покажуваат дека во Скопје на сите мерни места загаденоста на воздухот е голема, присуството на ПМ10 честичките се двојно и тројно зголемени, тврди опозицискиот СДСМ во соопштение за јавноста.
Не само во Скопје, високи концентрации на ПМ10 честитчки се регистриани и во другите градови, Битола, Кичево, Кавадарди, Куманово, Охрид, Гостивар.
„Аерозагадувањето е високо, граѓаните се гушат, а ниту власта на ДПМНЕ ниту градоначалниците од оваа партија не превземаат некакви мерки. Дополнително, во Буџетот 2025 власта ги намали парите за чист воздух за 51%, парите за заштита на животната средина се намалени за цели 25%, а парите за развој на енергетиката се намалени за 41%. Ова значи дека власта на Мицкоски нема намера ништо да преземе за да ги заштити граѓаните“, се вели во соопштението на СДСМ.
Со мерките на СДСМ и Планот за чист воздух, којшто е прв стратешки документ на некоја влада досега во борбата со аерозагадувањето, започна тренд на посетепено намалување на загадувањето, тврди опозициската партија и додава дека власта на ДПМНЕ требаше да продолжи и да ги засили мерките, за постепеното намалување на концентрациите на штетни честитчки во воздухот да продолжи.