Возач и дете повредени во сообраќајка на патот Струга-Дебар
Две лица се повредени во сообраќајна несреќа на регионалниот пат Струга-Дебар, соопшти денеска СВР Охрид.
Можеби ќе ве интересира
Сообраќајната несреќа се случила кај клучката кон струшкото село Долна Белица, меѓу автомобили „мерцедес“ со австриски регистарски ознаки, управуван од С.Т.(52) на привремена работа во Австрија, и „опел“ со вевчански ознаки, управуван од С.Ш.(41) од Вевчани.
– Со тешки телесни повреди се здобил возачот на возилото „опел“, констатирани во Општата болница во Струга, додека малолетно лице-сопатник во истото возило, се здобило со телесни повреди. Увид на местото на сообраќајната незгода, извршија полициски екипи – рече портпаролот на СВР Охрид Стефан Димоски.