Во СЗО силно загрижени од ескалацијата на коронавирусот – ќе достигне милион заразени и 50.000 починати

Светската здравствена организација денеска предупреди дека има речиси експоненцијална прогресија на пандемијата предизвикана од новиот коронавирус, додека бројот на смртните случаи се зголеми за повеќе од двојно за една недела во светот.

– Јас сум длабоко загрижен од брзата ескалација и ширењето на заразата во светот. Бројот на смртни случаи се зголеми за повеќе од двојно во текот на изминатата недела. Во наредните денови ќе достигне еден милион потврдени случаи и 50.000 смртни случаи, рече извршниот директор на СЗО, Тедрос Аданом Гебрејесус за време на видео конференцијата во Женева.