ВО СДСМ КОВААТ ДВЕ СТРАШНИ СЦЕНАРИЈА Власта сака да го изманипулира народот, велат од ВМРО-ДПМНЕ

СДСМ знаат дека ќе изгубат катастрофално во вториот изборен круг, и наместо чесно да го прифатат поразот, тие мислат ќе го изманипулираат народот, велат од ВМРО-ДПМНЕ.

Од партијата истакнуваат дека СДСМ деновиве ковале две сценарија кои во суштина се завера против Македонија.

„Првото е сценарио на бојкот. Европјаните и демократите од СДСМ кои се утеепаа од крадење, сакаат да бојкотираат зошто народот не ги сака и ќе доживеат тежок дебакл. Со ова сценарио сакаат свесно да предизвикаат уставна криза. Второто сценарио е пазарџиска делба со ДУИ на ресори и министерства, каде Ковачевски му оставил на Ахмети сам да одреди колку министерства ќе му даде на СДСМ и кои. Толку е голем очајот, што Ковачевски прифаќа сѐ, па и сите министерства да ги води ДУИ, не сфаќајќи дека поразот е и поради тоа што партијата го изгуби идентитот трчајќи по тоа да му се угоди на Ахмети“, се вели во соопштението на партијата.

Според ВМРО-ДПМНЕ и двете сценарија кои се во план во СДСМ се губитнички за Македонија и удираат по нејзините темели.

„Решението е масовна излезност. Мобилизација и масовна излезност. Решението и за бојкотот и за пазарџиската поделба на ресори е масовно гласање на избори. Колку поголема излезност толку поголема ќе биде победата над СДСМ и ДУИ. И СДСМ и ДУИ мора да знаат две работи, првата е дека ДУИ заедно со СДСМ оди во опозиција. А втората е дека ќе одговораат за криминалот. Промените и победата е во рацете на народот. За да се запрат СДС и ДУИ и да нема уцени потребна е масовна излезност. За Македонија повторно да биде твоја, стои во соопштението.