Во САД се тестира лек против ковид-19

Ова е прв тест на коктелот со антитела на ковид-19 во Америка.

– Лекот би можел успешно да го лекува и спречи ковид-19, започна се тестира на пациенти во неколку градови во САД – објави денес фармацевтската компанија „Regeneron“, пренесе „CNN“.

Ако тестирањето се покаже како успешно, компанијата се надева дека лекот би можел да биде достапен уште во текот на есента.

Клиничките испитувања започнаа вчера, а компанијата најавува дека лекот ќе се тестира на 4 групи пациенти: оние кои се хоспитализирани со ковид-19, оние кои имаат симптоми на болеста, но не се хоспитализирани, на здрави лица кои се во групата на ризик да се разболат и на здрави луѓе кои биле во близок контакт со болно лице.

– На светот му се потребни бројни решенија за третман, така што иновативната индустрија за биофармакологија работи заедно за да им помогне на што е можно повеќе луѓе – рече д-р Џорџ Јанкопулос, ко-основач, претседател и раководител на научниот оддел на „Regeneron“.