Во Пула паднал тукушто изграден брод, попуштила сајлата
Во Пула денеска во пристаништето паднал нов брод, изграден од „Техномонт“ и кој требало да биде доставен до сопственикот. Станува збор за рибарски брод граден за сопственик од Ирска, пренесува хрватски Индекс.
– Се случи тоа што се случи. За среќа никој не е повреден. Сите сме тажни, простете не можам да зборувам – изјавила потресена за „Глас Истре“ , директорката на „Техномонт“ Гордана Дерања.
Можеби ќе ве интересира
Според неофицијални информации, бродот паднал бидејќи една сајла пукнала додека го дигале. Бродот не бил веднаш изваден бидејќи во близина немало дигалка.
Рибарскиот брод е долг 26 метри и широк 7.6 метри со вкупна сила на моторот од 420 кw.