ВО ПЕТОК АДМИНИСТРАТИВЦИТЕ ЌЕ РАБОТАТ САМО 4 ЧАСА Се скинаа од работа, ред е да одморат
Новиот закон за административни службеници, кој сега е во нацрт верзија, предвидува 36-часовна работна недела за администрацијата, која сега се мачи 4 часа повеќе неделно.
Наместо 40 часа, администрацијата ќе работи по 36 часа во неделата или по 8 часа од понеделник до четврток и само 4 часа во петок.
Ова е предвидено во новиот закон за административни службеници, кој сега е во нацрт верзија, а објавен на ЕНЕР. Го подготви Министерството за информатичко општество и администрација, пишува порталот Фактор.
Во членот 55 од законот, кој се однесува на работното време, пишува: „Полното работно време на административните службеници изнесува 36 часа неделно, односно 8 часа дневно од понеделник до четврток и 4 часа дневно во петок, доколку со закон и/или колективен договор поинаку не е утврдено“.
Според актуелниот закон, администрацијата работа 40 работни часа неделно, секој ден од 7:30 или од 8:30 часот до 15:30 или до 16:30 часот.