Во оваа земја 500.000 луѓе остануваат без работа, а згаснуваат повеќе 300.000 компании

Тешките економски мерки поради вирусот ковид-19 може да значат дека повеќе од 500.000 луѓе во Романија ќе останат без работа, а над 300.000 компании ќе банкротираат или ќе ја згаснат деловната активност.

Ефектите од економските тешкотии, како за вработените, така и за сопствениците на деловни активности, може да се почувствуваат следната година.

Според официјалните податоци, до 28 август Романија привлече 12,8 милијарди странски капитал во периодот од 2014 до 2020 година од програмата за европски инвестиции, објави Европската комисија.

Што се однесува до тој шестгодишен период, Романија може да има корист од буџетот на ЕУ од 36,7 милијарди евра помош, што ја прави шеста земја во Унијата што добива најмногу пари од европскиот буџет за инвестиции.