Во последните 24 часа во Иран починале 63 луѓе од новиот коронавирус, со што бројот на починати се искачи на 354.
Иранското Министерство за здравство соопшти дека во земјата вкупно има околу 9.000 потврдени случаи и оти новиот коронавирус се проширил во сите провинции.
Иран е земја со најголема стапка на смртни случаи во светот надвор од Кина.
Надвор од Иран, само во Ирак, Египет и Либан на Блиски Исток има смртни случаи.