ВО ЕК НА ЕНЕРГЕТСКАТА КРИЗА Со законски промени ЛДП и ДОМ ќе бараат регулирање на „копањето“ криптовалути

Коалициските партнери ЛДП и ДОМ преку нивните пратеници во собранието ќе предложат законски измени за регулирање на производството на криптовалути.

– Во време на енергетска криза недозволиво е да се троши струја за производство на криптовалути за лично богатење на поединци – велат од партиите.

Според нив, бидејќи криптовалутите се прогласени за неприфатливи за животната средина и затоа дополнително ќе бараат и законска регулација бидејќи употребата на струја од фосилни горива како што е случајот во моментот ја загадува животната средина.

– Ќе ја консултираме стручната фела и најдоцна за една недела ќе побараме регулација и ќе доставиме законски измени – дополнуваат од ЛДП и ДОМ.