ВО ЈАНУАРИ ЌЕ ПОЧНE ДА СЕ СИТНИ УНГАРСКИОТ КРЕДИТ Се очекува да се отворат од 2.000 до 5.000 работни места
Ако имале 100 производи, очекуваме да имаат 105 производи. Тоа не значи цената на производи да се зголеми, туку да се зголеми бројот на производи - рече Мицкоски.
Во јануари почнува имплементирањето на 250 милиони евра од унгарскиот заем за компаниите, соопшти премиерот Христијан Мицкоски, коригирајќи ја претходната изјава дека имплементирањето ќе почне на почетокот на следната недела.
– Има правни процедури кои формално мора да се поминат за да не се прекршат законските норми и тоа треба да се почитува. Конечно, иако јас мислев дека ќе биде порано, имплементирањето на кредитите ќе почне во јануари – рече Мицкоски.
Во врска со условот компаниите да обезбедат раст од над 5% над стапката на инфлација и отворање на нови 2.000 – 5.000 работни места, тој рече дека очекува услов да биде 10% раст.
– Имаме тим на Владата кој ќе го следи исполнувањето на условите од компаниите. Ќе имаме црвен индикатор за исполнување на обврските на компаниите. Ќе се бараат причините зошто нешто од условите не е исполнето. Да очекуваме раст и од 10%, но тие да не да бидат во парична маса, туку во број на производи. Поинаку кажано, ако имале 100 производи, очекуваме да имаат 105 производи. Тоа не значи цената на производи да се зголеми, туку да се зголеми бројот на производи – рече Мицкоски.