📽️ ВО АКЦИЈАТА БЛИЗУ ВЕНЕЦУЕЛА БИЛЕ УБИЕНИ 11 ЛИЦА Трамп вели дека се работи за наркотерористи опасни за САД
Од друга страна, венецуелскиот министер за комуникации Фреди Нуњес кажа дека видеото кое го објави американскиот претседател е направено со вештачка интелигенција.
Снимка од моторен чамец кој брзо се движи по немирните води близу Венецуела објави американскиот претседател Доналд Трамп велејќи дека во големата операција на американската војска се убиени 11 наркотерористи.
– Пловилото било во меѓународните води и превезувало илегални наркотици наменети за САД. Американските сили уништија брод со многу дрога во близина на Венецуела. Како резултат на нападот убиени се 11 наркотерористи – кажа Трамп.
🚨 Donald Trump reventó un barco que llevaba 11 narcoterroristas venezolanos.
✅️ Le llegó el fin al dictador Maduro. pic.twitter.com/brHJadNO9Y
— Rocky Mileista🐍 (@BalboaMilei) September 2, 2025
Тој додаде дека американската војска нападнала членови на венецуелската банда Трен де Арагва и дека моторниот чамец превезувал дрога во Јужни Кариби.
Од друга страна, венецуелскиот министер за комуникации Фреди Нуњес кажа дека видеото е направено со вештачка интелигенција.
Аналитичарите велат дека испраќањето бродови во водите на Венецуела е форма на притисок на САД врз лидерот на Венецуела, претседателот Николас Мадуро.
Од јануари владата на Трамп прогласи неколку организации во Венецуела за терористички, меѓу кои и Картелот на сонцето.